काभ्रे – नेत्रविक्रम चन्द विप्लव नेतृत्वको नेपाल कम्युनिस्ट पार्टीका कार्यकर्ता र प्रहरीबीच काभ्रेमा गोली हानाहान भएको छ। काभ्रेको रोसी गाउँपालिका- २ मा दुवै पक्षबीच गोली फायरिङ भएको प्रहरी स्रोतले पुष्टि गरेको हो ।
प्रहरीले दुई विप्लव कार्यकर्ता पक्राउ गरेको दाबी गरेको छ। पक्राउ पर्ने उनीहरु बम विज्ञ रहेको जनाइएको छ । काठमाडौंस्थित महानगरीय अपराध अनुसन्धान महाशाखाको टोली र विप्लव समूहबीच गोली हानाहान भएको हो।
सरकारले विप्लव नेतृत्वको नेकपामाथि प्रतिबन्ध लगाएपछि उसका गतिविधिमाथि कडा निगरानी राख्दै आएको छ ।
प्रतिक्रिया