चीन– चीनको रक्षा मन्त्रालयले फेब्रुअरी २८ तारिख अमेरिकी न्याय विभागले चीनका चार जना मुक्ति सेनालाई मुद्दा लगाएको कुराबारे पत्रकारद्वारा सोधिएको प्रश्नको जवाफ दिँदै चीनको अडानको ब्याख्या गरेको छ।

प्रतिरक्षा मन्त्रालयका प्रवक्ता ऊ छेनले इन्टर्नेट सुरक्षा समस्यामा अमेरिका अन्तर्राष्ट्रिय समाजद्वारा मान्यताप्राप्त ‘डाकु’ हो भन्ने कुरामा जोड दिएका छन् ।

प्रवक्ता ऊकाअनुसार, चिनियाँ सेनाले यसबारे अमेरिकासँग गम्भीरताका साथ कुराकानी गरिसकेको छ।

इन्टर्नेट सुरक्षा समस्यामा चीनको अडान स्पष्ट भएको छ। चीन अन्तर्राष्ट्रिय इन्टर्नेट सुरक्षाको संरक्षणमा दृढ पक्ष हो।

चीन सरकारले इन्टर्नेटमार्फत कानुनको उल्लंघन गर्ने सबै तरिकाको अपराधी कारवाहीको विरोध र कानुनबमोजिम कारवाही गरिरहेको छ।

चिनियाँ सेना इन्टर्नेटमार्फत जासुसी गर्ने लगायतका कुनै पनि गतिविधिमा संलग्न भएको छैन।

चीनले अमेरिकासँग गल्ती सच्याउन र तथाकथित मुद्दा रद्द गर्न आग्रह पनि गरेको छ।