काठमाडौं– एएफसी यु—२३ क्वालिफाएरर्स खेल्ने नेपाली यु–२३ फुटबल टोली कतार प्रस्थान गरेको छ । अखिल नेपाल फुटबल संघ (एन्फा)ले कतार प्रस्थान गरेको नेपाली टोलीलाई एक कार्यक्रमकाबीच मंगलबार विदाई गरेको थियो ।

२३ सदस्यीय टोली मंगलबार नै त्यसतर्फ प्रस्थान गरेको हो । प्रतियोगिता मार्च २२ देखि २६ सम्म हुनेछ । छनोटको समूह ‘ए’ मा रहेको नेपालले कतार, ओमान र अफगानिस्तानसंग प्रतिस्पर्धा गर्नेछ ।

नेपाली टोलीमा अभिशेक रिजाल, अमित तामाङ, अनन्त तामाङ, अन्जन बिष्ट, एरिक बिष्ट, रहेका छन् । यस्तै, अर्पण कार्की, असिम भुसाल, विकास खवास, बिमल घर्ति मगर, बिश्वास श्रेष्ठ, दिनेश राजवंशी र गौरब बुढाथोकी छन् भने यस्तै हेमन्त थापा मगर,कमल श्रेष्ठ, प्रिजन तामाङ, धिरज श्रेष्ठ, रोमन रसाइली, सुमन अर्याल, सुनिल बल, तेज तामाङ, छिरिङ गुरुङ, नितिन थापा र दिप कार्की रहेका छन् । टोलीको मुख्य प्रशिक्षकका रुपमा बाल गोपाल महर्जन र सहायक प्रशिक्षकमा सुमन श्रेष्ठ रहेका छन् ।

नेपालले पहिलो खेल ओमानसंग मार्च २२ मा र दोस्रो खेल मार्च २४ मा कतारसँग र अन्तिम खेल मार्च २६ मा अफगानिस्तानसंग खेल्नेछ । क्वालिफाएरको शीर्ष टोलीले एएफसी यू—२३ च्याम्पियनसिप खेल्नेछन् ।