काठमाडौं– कञ्चनपुरको भीमदत्त नगरपालिकाअन्र्गत पर्ने साकेत धाम (विष्णु मन्दिर) क्षेत्रमा पदमार्ग (खुड्किला बनाउने) कार्यमा आर्थिक अनियमितता भएको पाइएको छ ।

भीमदत्त नगरपालिकाले उपभोक्ता समितिमार्फत मन्दिर परिसरमा खड्किला निर्माण गर्ने निर्णय गरेको थियो ।

मन्दिरमा खुड्किला निर्माणका लागि स्थानीय कर्ण बहादुर विष्टको अध्यक्षतामा उपभोक्ता समिति गठन भएको थियो ।

आर्थिक वर्ष २०६५/०६६ मा उपभोक्ता समितिका अध्यक्ष अध्यक्ष विष्टले मन्दिर क्षेत्रमा खुड्किला निर्माण गर्ने भनेर ४ लाख ५० हजार रुपैयाँ पेश्की बुझेका थिए ।

तर, उनले उक्त रकम लिए पनि निर्माण कार्य गरेको नदेखिएपछि अख्तियार दुरुपयोग अनुसन्धान आयोगमा उजुरी परेको थियो ।

उजुरीमाथि अनुसन्धान गर्ने क्रममा उपभोक्ता समितिका अध्यक्ष विष्टले आफूलाई गैरकानूनी लाभ पु¥याइ आर्थिक अनियमितता (भ्रष्टाचार) गरेको भेटिएको अख्तियारले जनाएको छ ।

अख्तियारले उपभोक्ता समितिका अध्यक्ष विष्टविरुद्ध ४ लाख ५० हजार रुपैयाँ बिगो कायम गर्दै २ वर्षसम्म कैद सजाय मागदाबी गरेको छ ।