काठमाडौं– सत्तारुढ दल निकटका विद्यार्थी संगठनले त्रिभुवन विश्वविद्यालयमा तालाबन्दी गरेका छन् ।

गण्डकी मेडिकल कलेज र किस्ट कलेजमा भइरहेको मनपरिलाई टुलुटुलु हेरेर बसेको भन्दै सत्तारुढ नेकपाका दुई विद्यार्थी संगठन अनेरास्ववियु, अनेरास्ववियु (क्रान्तिकारी) र महाराजगञ्ज स्वतन्त्र विद्यार्थी युनियनले त्रिविमा तालाबन्दी गरेका हुन् ।

मेडिकल कजेजमा भइरहेको मनपरिलाई हेरेर बसेको भन्दै त्रिभुवन विश्वविद्यालयका पदाधिकारी, आईओएम डिन कार्यालयका साथसाथै परीक्षा नियन्त्रण कार्यालयमा तालाबन्दी गरिएको अनेरास्ववियुका नेता आरसी लामिछानेले जानकारी दिए ।

संगठनहरुले विद्यार्थीको फारम भर्ने र परीक्षाको वातावरण अविलम्ब बनाउन माग गरेका छन् ।

परीक्षाको वहान देखाएर तिमीहरुको भविष्य अन्योल बनाइदिन्छौं मुद्दा फिर्ता लेउ भन्दै गण्डकी मेडिकल कजेजका सञ्चालकले विद्यार्थीलाई मनोवैज्ञानिक त्रास देखाएको आरोप विद्यार्थी संगठनहरुले लगाएका छन् ।