काठमाडौं- काठमाडौंको कलंकीमा ट्रकले ठक्करबाट सोमबार साँझ एक जनाको मृत्यु भएको छ भने ४ जना घाइते भएका छन् ।

थानकोटबाट कलंकीतर्फ आउँदै गरेको ना ६ ख २८७१ नम्बरको ट्रकले ठक्कर दिँदा चितवनको टाँडी बस्ने समशेर गुरुङको ज्यान गएको प्रहरीले जानकारी दिएको छ ।

दुर्घटनामा घाइते भएका चार जनाकाो ट्रमा सेन्टरमा उपचार भइरहेको छ । घाइतेहरुको अवस्था गम्भीर रहेको दुर्घटनास्थलमा खटिएका प्रहरी निरीक्षक (इन्सपेक्टर) पुरुपोत्तम कार्कीले खबरहबलाई जानकारी दिए ।

ट्रक ब्रेक फेल भएर दुर्घटना भएको प्रहरीले जनाएको छ । ट्रकले सडकमा गुडिरहेका ९ वटा सवारी साधनलाई ठक्कर दिएको थियो ।

ट्रकको ठक्करबाट स्कुटर, कार, तीनवटा मोटरसाइकल, ट्याक्सीमा समेत क्षति पुगेको छ ।  ट्रकमा च्यापिएका एक जना चालकको उद्धार गरिएको छ । उनको अवस्था गम्भीर रहेको प्रहरीले जनाएको छ ।

तस्वीर-रोशन दानी