दाङ- पूर्व सभामुख कृष्णबहादुर महराले मुलुकको स्वाधीनताको रक्षा आफ्नो पहिलो र उच्च प्राथमिकता रहेको बताएका छन् ।

दाङको लमहीमा आज गरिएको स्वागत कार्यक्रमलाई सम्बोधन गर्दै महराले भने, “मेरो जीत नै जनताको जीत हो, जनताको माया, सुभेक्षा, सम्मानले गर्दा नै मेरो जीत भयो ।”

उनले जनताको भावनाअनुसार काम गर्ने प्रतिबद्धता जनाए ।

उनले बिगतमा पनि सधै देशकै लागि लडेको र आगामी दिनमा पनि देशकै लागि लड्ने प्रतिवद्धता जनाए ।

“नेपालको राष्ट्रिय स्वाधिनता, राष्ट्रिय स्वतन्त्रता, नेपालको सर्वभौमसत्ता रक्षा गर्ने मेरो कर्तव्य हो”, उनले भने, “त्यसकालागि म सधै लडिरहनेछु ।”

बलात्कार प्रयास (जवरजस्ती करणी उद्योग)को मुद्दामा सफाइ पाएपछि उनी पहिलो पटन गृहजिल्ला पुगेका हुन् । उनी गृह जिल्ला पुग्दा विभन्न स्थानमा उनको स्वागत गरिएको थियो ।