काठमाडौं – क्रिष्टियानो रोनाल्डोले आफ्नो करिअरको ७ सय २५ औं गोल गरेका छन् ।

शनिबार राति भएको खेलमा रोनाल्डोले इटालिइन सिरिए अन्तर्गत एसपीएलविरुद्धको खेलमा गोल युभेन्टसका लागि गोल गर्दै ७ सय २५ औं गोल गरेका हुन् ।

उनले १ हजार खेल खेल्दै गोल संख्या ७ सय २५ पुर्‍याएका हुन् । रोनाल्डको कीर्तिमानी गोल मद्दतमा एसपीएल युभेन्टससँग २- १ गोल अन्तरले पराजित भएको हो ।

जुआन कुआड्राडोको क्रसमा गोल गर्दै रोनाल्डोले ग्याब्रियल बाटिस्टुटा र फबियो क्वाग्लिआरेलाको कीर्तिमानी गोल बराबरी गरे ।

आरोन राम्सीले एक गोल थप्दै युभेन्ट्सको जित सुनिश्चित गरेका थिए । घरेलु टोलीका आन्ड्रे पेटाग्नालेटरले पेनाल्टीमा एक गोल फर्काएका थिए।

जीतसंगै शीर्ष स्थानको युभेन्ट्सको ६० अंक छ । तालिकाको पुछारमा रहेको एसपीएलको १५ अंक छ ।