काठमाडौं –  इटालियन सिरी ‘ए’ फुटबलमा नापोलीले ब्रेसियाविरुद्ध कठीन जीत दर्ता गराएको छ।

शुक्रबार राति भएको खेलमा नापोलीले ब्रेसियालाई २-१ गोल अन्तरले परा जीत गरेको हो ।

ब्रेसियाको मैदानमा एक गोलले पछि परेको स्थिति उल्टाएर नापोलीले जीत निकालेको हो । खेलको २६ औं मिनेटमा जोन चान्सेलोरले गोल गर्दै ब्रेसियालाई अग्रता दिलाएका थिए ।

तर, खेलको ५० औं मिनेटमा लोरेन्जो इन्सिग्नेले पेनाल्टीमा गोल गर्दै नापोलीलाई १-१ गोलको बराबरीमा ल्याए । त्यसको ४ मिनेटपछि फाबियनले गोल गर्दै नापोलीलाई २-१ को जीत दिलाए ।

जीतसँगै नापोली लिगको छैटौं स्थानमा उक्लिएको छ । नापोलीले २५ खेलमा ३६ अंक जोडेको छ ।  १६ अंक मात्र जोडेको ब्रेसिया भने रेलिगेसन जोनमा नै छ ।