काठमाडौं – जर्मनीको हनाउ शहरमा भएको गोलीकाण्डमा मारिनेको सङ्ख्या नौ पुगेको छ ।

बुधबार अबेर १० बजेतिर शीशा बारमा भएको गोलीकाण्डमा यसअघि ८ जनाको ज्यान गएको अधिकारीले जनाएका थिए ।

बिहीबार बिहान भने अधिकारीले गोलीकाण्डमा घाइते भएका अर्का व्यक्तिको पनि मृत्यु भएको पुष्टि भएसँगै मृतकको संख्या ९ पुगेको हो ।गोलीकाण्डमा अरु धेरै घाइते भएको जर्मन अखबार बिल्डले जनाएको छ ।

प्रहरीका अनुसार घटनामा गोली चलाउने व्यक्ति पनि निवासमा मृत फेला परेका छन ।  उनिसँगै अर्का एक व्यक्ति पनि मृत भेटिएका छन । उनको मृत्युको कारण खुल्न सकेको छैन ।

हनाउ शहरमा अबेर कुर्दहरुको बाहुल्यता रहेको क्षेत्रमा बुधबार अबेर अन्धाधुन्ध गोली प्रहार भएको थियो । २ वटा बारमा भएको गोलिकाण्डपछि संदिग्धहरु फरार रहेका थिए । लगत्तै प्रहरीले उनिहरुको खोजी तीब्र पारेको थियो ।

७ घण्टाको खोजीपछि संदिग्धलाई पक्राउ गरिएको प्रहरीले जनाएको छ । तर अहिलेसम्म आक्रमणकारीको पहिचान सार्वजनिक गरिएको छैन ।

यद्यपी आक्रमणकारी हतियार राख्ने लाइसेन्स समेत लिएका जर्मन नागरिक नै भएको जर्मन सञ्चारमाध्यमहरुले दावी गरेका छन ।