काठमाडौं – च्याम्पियन्स लिगको अन्तिम १६ को पहिलो लेगमा एट्लान्टाले भ्यालेन्सीयामाथि जीत हात पारेको छ ।

इटालीमा भएको खेलमा एट्लान्टाको भ्यालेन्सियालाई ४–१ गोल अन्तरले पराजित गर्यो । एट्लान्टाका लागि हान्स हाटेवोइरले दुई गोल गरे भने जोसेप इलिकिक र रेमो फ्रेउलारले समान एक–एक गोल गरे ।

हाटेवोइरले भ्यालेन्सीयाविरुद्ध खेलको १६ मिनेटमा गोल गर्दै अग्रता दिलाएका थिए भने इलिकिकले ४२ औं मिनेटमा एट्लान्टाका लागि दोस्रो गोल गर्दै पहिलो हाफमा टीमलाई २–० गोल अन्तरको अग्रता दिलाए ।

खेलको ५७ औं मिनेटमा फ्रेउलारले गोल गर्दै टीमलाई ३–० गोलको अग्रता दिलाएका थिए । त्यसको ४ मिनेटपछि एट्लान्टाविरुद्ध खेलको ६६ औं मिनेटमा भ्यालेन्सीयाका डेनिस चेरिसेभले एक गोल फर्काएका थिए ।

३–१ गोलका अवस्थामा रहँदा एट्लान्टाका लागि होटेवोइरले व्यक्तिगत दोस्रो तथा टिमका लागि निर्णायक गोल गरेका थिए । एट्लान्टा र भ्यालेन्सियाले दोस्रो लेगको खेल १० मार्चमा हुनेछ ।