काठमाडौं – जर्मनीको पश्चिमी शहर हनाउस्थित शीशा बारमा भएको अन्धाधुन्ध गोली प्रहारबाट आठ व्यक्तिको हत्या भएको छ ।

गोली प्रहारबाट अन्य ५ जना गम्भीर घाइते भएका छन । स्थानीय समय अनुसार राति १० बजेतिर भएको घटनाको कारण खुल्न नसकेको प्रहरीले जनाएको छ ।

सिटी सेन्टरमा रहेको बारमा पहिलो गोली चलेको केही समयमै हनाउ शहरकै केसेलस्टाड नजिक दोस्रो पटक गोली चलेको थियो ।

पहिलो गोली काण्डमा तीन जनाको मृत्यु भएको थियो भने दोस्रो पटक गोली चल्दा अन्य पाँच जनाको मृत्यु भएको प्रहरीलाई उदृत गर्दै बीबीसीले जनाएको छ ।

ठूलो संख्यामा रहेको संदिग्धहरुको समूहले अन्धाधुन्ध गोली प्रहार गरी फरार भएकाले खोजि जारी रहेको प्रहरीले जनाएको छ ।

उनीहरुको खोजिका लागि हेलिकप्टरमार्फत पनि प्रहरी परिचालन गरिएको छ ।