नयाँ दिल्ली– भारतमा ठूलै हलचल ल्याइदिएको ‘निर्भया’ सामूहिक बलात्कार प्रकरणका चारै दोषीलाई आगामी मार्च ३ मा मृत्युदण्ड दिइने भएको छ ।

सोमबार भारतको पटियाला हाउस अदालतले उनीहरुलाई मृत्युदण्ड दिइने मिति तय गरेको हो ।

भारतीय सञ्चारमाध्यमका अनुसार चारै दोषीलाई मार्च ३ का दिन बिहान ६ बजे मृत्युदण्ड दिइने छ । यसअघि दुईपटक उनीहरुलाई मृत्युदण्ड दिइने मिति पछि सारिएको थियो ।

पीडितकी आमाले उनीहरुलाई मृत्युदण्ड दिइने नयाँ मितिको स्वागत गरेपनि यसअघि पनि दुईपटक उनीहरुलाई दिइने मृत्युदण्डको मिति पछि सारिएका कारण आफू असन्तुष्ट रहेको जनाएकी छिन् ।

पीडितका बाबुले भने अदालतको पछिल्लो निर्देशनले ढिलोचाँडो दोषीउपर कारवाही भएरै छाड्ने देखिएको प्रतिक्रिया दिएका छन् ।