पोखरा- गण्डकी प्रदेशका मुख्यमन्त्री पृथ्वी सुब्बा गुरुङले आफ्नै कार्यकक्षमा मदिरा खाँदै गरेको भिडियो सामाजिक सञ्जालमा भाइरल भएको छ ।

भिडियोमा मुख्यमन्त्री गुरुङले आफ्नो जन्मदिन भन्दै मुख्य मन्त्री कार्यालयमा नै मदिरा खाँदै गरेको भन्दै गुरुङको तीव्र आलोचनासहित कमेन्टहरु आएका छन् ।

भित्तामा राष्ट्रपति विद्यादेवी भण्डारीको तस्वीर तथा राष्ट्रिय झण्डा राखिएको मुख्यमन्त्रीको टेबुलमै बसेर गुरुङले रेडलेबुल हुस्कीको चुस्की लिईरहेको देखिन्छ ।

नेकपाका गण्डकी प्रदेश इन्चार्ज समेत रहेका गुरुङले टेवलमा राखिएको हुस्की हेर्दै हाँस्दै गरेको फोटो समेत बाहिरिएको छ ।

शनिबार एकाएक सामाजिक सञ्जालमा मुख्यमन्त्रीको भिडियो भाइरल भएसँगै उनको उनको व्यापक आलोचना भइरहेको छ ।