काठमाडौं– हिमालयन बैंक लिमिटेडको संचालक समिति अध्यक्षमा तुलसी प्रसाद गौतम चयन भएका छन् ।

बैंक संचालक समितिको मिति २०७६ माघ २९ गते बुधवार बसेको ३८१ औ बैठकले गौतमलाई अध्यक्षमा निर्विरोध चयन गरेको हो ।

नव नियूक्त अध्यक्ष गौतमलाई नेपाल राष्ट्र बैंकका डेपुटी गर्भनर चिन्तामणी सिवाकोटीले फाल्गुन १ गते मा पद तथा गोपनीयताको सपथ ग्रहण गराएका छन् ।

सपथ ग्रहण समारोहमा बैंकका संचालक फैजल एन ललानी, प्रमुख कार्यकारी अधिकृत अशोक शम्सेर राणा लगायत वरिष्ठ अधिकारीहरुको उपस्थिति थियो ।

श्री गौतम संस्थापक शेयरधनी कर्मचारी संचय कोषका तर्फबाट हिमालयन बैंकको संचालक समितिमा प्रतिनिधित्व गर्छन् ।

समारोहमा डेपुटी गर्भनर सिवाकोटीले गौतमलाई बधाई दिंदै उनाँको कार्यकालमा हिमालयन बैंकले थप उत्साह जनक प्रगतिको कामना गरे ।