काठमाडौं- सरकारले ११ औं तहका तीन जना डाक्टरसँग स्पष्टिकरण माग गर्ने निर्णय गरेको छ ।

बिहीवार मन्त्रिपरिषद्को निर्णय सार्वजनिक गर्दै सूचना तथा सञ्चारमन्त्री गोकुल बाँस्कोटाले तीन जना डाक्टरहरुसँग स्पष्टिकरण माग्ने निर्णय भएको जानकारी दिए ।

बिदा स्विकृत नगराई आफ्नो कार्यालयमा अनुपस्थित रहेको भन्दै प्रमुख कन्सल्टेन्ट सर्जन डा ढुण्डीराज पौडेल, प्रमुख कन्सल्टेन्ट अर्थोपेडिक सर्जन डा राजेन्द्र सञ्जेल क्षेत्री र प्रमुख कन्सलटेन्ट फिजिसियन डा विष्णुप्रसाद पौडेललाई स्वास्थ्य सेवा ऐन, २०५३ र नियमावली, २०५५ अनुसार स्वास्थ्य मन्त्रालयका सचिव मार्फत स्पष्टिकरण माग गर्ने निर्णय गरिएको मन्त्री बाँस्कोटाले जानकारी दिए ।