काठमाडौं – सहिद स्मारक ए डिभिजन फुटबल लिगमा जुमानु राईको ह्याट्रिकसँगै नेपाल पुलिस क्लबले यो सिजनको आफ्नो यात्रा टुङ्ग्याएको छ ।

बिहीबार सातदोबाटोस्थित एन्फा मैदामा भएको खेलमा पुलिसले फ्रेन्ड्सलाई ३–० गोलले पराजित गरेको हो ।

फ्रेन्ड्सविरुद्ध पुलिसले ३ गोल गर्दा अनुभवी खेलाडी राईले ह्याट्रिक गरेका हुन् । उनले खेलको ४९, ५६ र ८५ औं मिनेटमा गोल गर्दै ह्याट्रिक पुरा गरेका हुन् ।

जीतसँगै १३ खेल खेलेको पुलिस शीर्ष पाँचमा रहेको छ भने पराजित फ्रेन्ड्स १४ अंकसहित १० औं स्थानमा रहेको छ ।

लिगको यो सिजनमा राईले गरेको ह्याट्रिक दोस्रो हो ।

यसअघि थ्रीस्टारका सन्जोक राईले लिगमा पहिलो ह्याट्रिक गरेका थिए ।

२०७० सालपछि सन्जोगले गरेको ह्याट्रिक पहिलो हो भने जुमानुको दोस्रो ह्याट्रिक हो ।