काठमाडौं– आज आइतबार । आज प्रकाशित नागरिक दैनिकले बागमतीमा साढे चार अर्ब कुम्लाउने प्रपञ्च शीर्षकको समाचारलाई प्राथमिकताका साथ प्रकाशन गरेको छ ।

समाचारमा भनिएको छ– भूमाफिया र शक्ति दलाल समूहको प्रभावमा परेर राज्यलाई साढे चार अर्ब रुपैयाँको व्ययभार पर्नेगरी बागमती नदी बगेको क्षेत्रको पनि मुआब्जा दिन प्रपञ्च गरिएको छ ।

समाचारका अनुसार राजनीतिक नेतृत्व, कर्मचारी र भूमाफियाको मिलेमतोमा अधिकार सम्पन्न बागमती सभ्यता एकीकृत विकास समितिले बागमती नदी बगिरहेको एक सय ८८ रोपनी जग्गाको मुआब्जा दिल सहरी विकास मन्त्रालयसमक्ष सिफासि गरेको छ ।

मुआब्जा दिन सिफारिस गरिएको गोकर्णेश्वरदेखि गुह्येश्वरीसम्मको जमिनमा अहिले बागमतीको पानी बगिरहेको छ ।

नदी किनार आसपास चलनचल्तीको मूल्य प्रतिआना न्यूनतम २५ लाखदेखि ४० लाख रुपैयाँ पर्ने भएपनि सरकारी मूल्यांकन अनुसार न्यूनतम १५ लाख रुपैयाँको दरले हिसाब गर्दा चार अर्ब ५१ करोड २० लाख हुन्छ ।