स्मार्टफोनमा छिटै १ सय ९२ मेगापिक्सलको क्यामेरा आउने भएको छ ।

एक्सडीडी डेभलपरले हालै सार्वजनिक गरेको रिपोर्ट अनुसार प्राविधिक उपकरण निर्माता कम्पनी क्वालकमले आफ्नो चिपसेटमा क्यामेरा सेन्सरको क्षमतालाई बढाएर १ सय ९२ मेगापिक्सल पुर्‍याउन लागेको हो ।

क्वालकमले विकास गरेको १ सय ९२ मेगापिक्सल सेन्सर क्षमताका चिपसेटमा स्नापड्रागन चिपसेटमा क्वालकम स्नापड्रागन ६७०, क्वालकम स्नापड्रागन ६७५, क्वालकम स्नापड्रागन ७१०, क्वालकम स्नापड्रागन ८४५ तथा क्वालकम स्नापड्रागन ८५५ छन् ।

यी चिपसेटहरु चाँडै नै विभिन्न कम्पनीका स्मार्टफोनमा जडान भएर बजारमा आउँनेछन् । जसअनुसार ती स्मार्टफोनहरुले १ सय ९२ मेगापिक्सलसम्म क्यामेर सेन्सर सपोर्ट गर्न सक्नेछन् ।

सार्वजनिक गर्न लागिएका चिपसेटका नयाँ विशेषतामा स्लो मोसन रेकर्डिङ्ग तथा हाइब्रिड अटोफोकसलगायत समेत छन् । यसबाट ती क्यामेराबाट खिचिएका फोटोहरु अहिले बजारमा उपलब्ध स्मार्ट फोनका क्यामेराले खिचेका फोटोभन्दा धेरै गुणा उत्कृष्ट हुने दाबी गरिएको छ ।