विराटनगर– साफ महिला च्याम्पियनसिप फुटबलमा नेपाल सेमिफाइनलमा प्रवेश गरेको छ ।
बंगलादेशमाथि सहज जित हात पर्दै नेपाल समूह एको विजेता बनेको हो ।
विराटनगरको शहिद रंगशालामा भएको खेलमा नेपालले बंगलादेशमाथि ३–० को जित निकालेको हो ।
खेलको छैंटौ मिनेटमा उपहार गोलबाट अग्रता लिएको नेपालले खेलको २३ औं मिनेटमा सावित्राको गोलसँगै अग्रता दोव्वर बनाएको थियो ।
त्यसको पाँच मिनेटमै सावित्राकै पासमा मञ्जलीकुमारी योञ्जनले गोल गर्दै खेललाई ३–० को स्थिति बनाएकी थिइन् । पहिलो हाफमा उत्कृष्ट खेलेको नेपालले दोस्रो हाफमा त्यसलाई निरन्तरता दिन सकेन ।
प्रतिक्रिया