मुम्बई – अभिनेता अजय देवगनको फिल्म ‘तान्हाजी’ अजयका लागि पनि विशेष फिल्म हो । किनकि, यो उनको सयौं फिल्म हो ।

अजयले ‘फूल और काँटे’ बाट बलिउड डेब्यु गरेका थिए । त्यसपछि उनले कैयन् हिट फिल्म दिए ।

हालै प्रदर्शन भएको अजयको फिल्म ‘तान्हाजी’ ले अहिलेसम्म २ सय ५० करोड भारु कमाइ गरेको छ । यो फिल्म अहिलेसम्म सबैभन्दा धेरै कमाइ गर्ने १२ औं फिल्म बनेको छ ।

फिल्मले मुम्बई सर्किटमा अझ राम्रो कमाइ गरेको छ । यहाँ फिल्मले १३२ करोड ५० लाख कमाइ गरेको छ । यो कमाइ आमिर खानको ‘दंगल’ भन्दा २८ करोड बढी हो ।

फिल्मले चौथो हप्तासम्म आउँदा कुल २ सय ५० करोड २३ लाख भारु कमाइ गरेको छ ।

फिल्ममा अजय देवगनका अलावा काजोल, सैफ अली खान लगायतका कलाकारको अभिनय रहेको छ ।