काठमाडौं – चीनमा रहेका नेपालीका अभिभावकले आफन्तहरूको तत्काल उद्धार गर्न माग गर्दै स्वास्थ्य मन्त्रालय घेराउ गरेका छन् ।

बिहीबार दिउँसो स्वास्थ्य मन्त्रालय पुगेका उनीहरुले आफन्तलाई तत्काल उद्धार गरी नेपाल ल्याउन माग गरेका हुन् ।

मन्त्रालयमा पुगेका उनीहरुले चीनमा आफ्ना छोराछोरीले सुरक्षित नभएको भन्दै तत्काल उद्धारको माग गरेका हुन् । स्वास्थ्य राज्य मन्त्री नवराज रावतसँगको भेटवार्ताका लागि उनीहरु मन्त्रालय पुगेका थिए ।

त्यसक्रममा उनीहरुले आफ्ना छोराछोरीलाई कोरोना हुनु भन्दा पहिलानै नेपाल ल्याइदिन माग गरेका छन् ।

करिव आधा घण्टा बाहिर धर्ना दिएपछि चीनमा रहेका नेपालीका आफन्तले स्वास्थ्य राज्य मन्त्रीलाई भेट्न पाएका छन् । त्यक्रममा उनीहरुले चीनमा रहेका आफ्ना छोराछोरीलाई तत्काल स्वदेश ल्याउने व्यवस्था मिलाउन माग गरेका थिए ।