काठमाडौं– अख्तियार दुरुपयोग अनुसन्धान आयोगको टोलीले नापी कार्यालय बाँकेका सर्वेक्षक यामबहादुर खत्रीलाई ३५ हजार रुपैयाँ घुससहित पक्राउ गरेको छ ।
हाल साबिक भिडाउने काम बापत सेवाग्राहीसँग ३५ हजार घुस लिँदै गरेको अवस्थमामा अख्तियारको टोलीले बुधबार पक्राउ गरेको हो ।
आयोगको नेपालगञ्ज सम्पर्क कार्यालयका सूचना अधिकारी लोकमणी पाण्डेका अनुसार सर्वेक्षक खत्रीसँगै लेखापढीको काम गर्ने बताउने रुकुम पश्चिम चौरजहारी नगरपालिका–७ का प्रताप केसीलाई पनि नियन्त्रणमा लिएको जानकारी दिए ।
घुस रकमसहित नियन्त्रणमा लिइएका दुवै जनामाथि थप अनुसन्धान भइरहेको उनले बताए ।
प्रतिक्रिया