काठमाडौं – फ्रान्सेली क्लब पेरिस सेन्ट जर्मेन (पीएसजी)ले लिग वानमा नान्टनलाई पराजित गर्दै स्पष्ट १५ अंकको अग्रता लिएको छ ।
लिग वान च्याम्पियन पीएसजीले नान्टलाई २–१ गोल अन्तरले पराजित गर्दै तालिकामा फराकिलो अग्रता बनाएको हो ।
मौरो ईकार्डी र थिलो केहरले पीएसजीका लागि एक एक गोल गरे । नान्टका मोसिस सिमोनले एक गोल फर्काए ।
खेलको २९ औं मिनेटमा ईकार्डीले गोल गर्दै पीएसजीलाई अग्रता दिलाएको खेलमा केहरले ५७ औ मिनेटमा पीएसजीको अग्रता दोब्बर बनाए ।
तर नान्टका सिमोनले ६८ औं मिनेटमा एक गोल गर्दै खेलमा फर्किने प्रयास गरे । जीतसँगै पीएसजीले २३ खेलबाट ५८ अंक जोडेको छ । नान्ट ३२ अंक सहित तालिकाको दशौं स्थानमा छ ।
प्रतिक्रिया