काठमाडौं – जेलमुक्त भएलगत्तै लन्डनको स्ट्रीथम हाई रोडमा मानिसहरूलाई अन्धाधुन्ध चक्कु प्रहार गर्ने एक सन्दिग्ध प्रहरी कारबाहीमा मारिएका छन।

सुदेश अम्मान नाम गरेका २० वर्षीय व्यक्ति झन्डै एक साताअघि मात्र कारागारबाट छुटेको बेलायती प्रहरीले जनाएको छ।

आतङ्कवादसम्बन्धी अभियोगमा जेल परेका अम्मान तीन वर्ष चार महिनाको जेल सजायमा आधा कैद भुक्तान गरी एक साताअघि कारागार मुक्त भएका थिए ।

कारागारमुक्त भएको एक सातामै अम्मानले दक्षिणी लन्डनको स्ट्रीथम हाई रोडमा सर्वसाधारणलाई अन्धाधुन्ध चक्कु प्रहार गरेपछि प्रहरीले कारबाही गरेको थियो । सो क्रममा उनि मारिएको बीबीसीले जनाएको छ ।

अम्मानले एउटा पसलभित्र छिरेर मानिसहरूलाई चक्कु प्रहार गरेका थिए। त्यसपछि उनले बाहिर निस्किएर पनि एक महिलालाई पनि आक्रमण गरेको बताइएको छ।

आइतबार दिउँसो भएको सो आक्रमणमा तीन जना घाइते भए। तीमध्ये एक जनाको अवस्था गम्भीर रहेको बताइएको छ ।

अम्मान इस्लामिक अतिवादसँग जोडिएको प्रहरीले दावी गरेको छ।