काठमाडौं – कञ्चनजंघा क्षेत्रमा हिउँ चितुवाले नयाँ रेकर्ड बनाएको छ । यसअघिसम्म ५ हजार मिटरसम्म मात्र विचरण गर्ने चितुवा यसपटक ५ हजार ८ सय मिटर उचाइसम्म पुगेको रेकर्ड भएको छ ।

राष्ट्रिय निकुञ्ज तथा वन्यजन्तु संरक्षण विभागका सहायक इकोलोजिस्ट तथा कञ्चनजंघा संरक्षण क्षेत्रका पूर्वसंरक्षण अधिकृत हेमराज आचार्यले भन्नुभयो, ‘यति धेरै उचाइमा पुगेको यो पहिलो रेकर्ड हो । जलवायु परिवर्तनले तापक्रममा आएको परिवर्तनका कारण माथिमाथि चढ्न सम्भव भएको अनुमान गरिएको छ ।

कञ्चनजंघा क्षेत्रका चारवटा हिउँ चितुवालाई स्याटेलाइट लगाइएको छ । विश्व वन्यजन्तु कोष नेपालको सहयोगमा विस्तृत अध्ययनका लागि स्याटेलाइट लगाइएको हो । समाचार कान्तिपुर दैनिकमा प्रकाशित छ ।