काठमाडौं– नेपालको सिएमजी क्लबले छैठौं अन्तर्राष्ट्रिय भेट्रान्स् फुटबल च्याम्पियनसिप खेल्ने भएको छ ।

बुधबार बिहान पत्रकार सम्मेलन गरि भेट्रान टिमले आगामी शुक्रबारदेखि शुरु हुने प्रतियोगितामा सहभागी हुनेबारे जानकारी दिएको हो ।

पूर्व राष्ट्रिय टीमका खेलाडीहरु सहभागी भेट्रान टिमको कप्तानमा बाल गोपाल महर्जन रहेका छन् । पुर्व राष्ट्रिय टोलीका खेलाडी महर्जनको कप्तानीमा १८ सदस्यीय टोली भारतको गुवाहाटी जाने भएको छ ।

प्रतियोगितामा नेपालको सिएमजी र बंगलादेशको क्लबसहित भारतका विभिन्न क्लब गरि १२ टिम रहेका छन् । प्रतियोगिताका १२ टिमलाई ३ समूहमा विभाजन गरिएको छ। जसमा नेपाल समूह सी मा रहेको छ ।

सिएमजी क्लबले यश प्रतियोगितामा शुरुआत देखि नै सहभागीता जनाउँदै आएको छ । तर, अहिलेसम्म सिएमजी क्लबले भेट्रान फुटबल च्याम्पियनसिपमा सेमिफाइनल भन्दा माथि उक्लिन सकेको छैन ।

भेट्रान च्याम्पियनसिपको खेल २५ मिनेटको खेल हुन्छ भने प्लेइङ ११ मा ८ जना ४५ बर्षभन्दा मम उमेरका खेलाडी रहन्छन् भने ३ जना ४५ बर्षभन्दा माथिल्लो उमेरका रहन्छन् ।

सिएमजी क्लबका अध्यक्ष नरेन्द्र शाहले यो संस्करणमा उपाधि जीतेर आउन शुभकामना दिएका छन्। यस्तै उनले अर्को वर्ष नेपालमै भेट्रान फुटबल च्याम्पियनसिप आयोजना गर्ने घोषणा गरेका छन् ।

भेट्रान टिम:

बालगोपाल महर्जन कप्तान, राकेश श्रेष्ठ, राज कुमार केसी, जिवेश पाण्डे, राजु सिंह महर्जन, सनोज श्रेष्ठ, सरोज थापा, संजय राना मगर, प्रदिप महर्जन, नरेश श्रेष्ठ, सुजित केसी, विजय श्रेष्ठ, पाण्डव खाती,दिपक लामा, छन्नु राम चौधरी, नरेन्द्र लिम्बू, भूपेन्द्र लिम्बू, सन्तोष बस्नेत
प्रशिक्षकमा राजेश मानन्धर

व्यवस्थापक: जयकृष्ण श्रेष्ठ