भारत- चीनको हुवानबाट शुरु भएको कोरोना भाइरसको संक्रमणबाट भारतमा एक जनाको मृत्यु भएको छ ।
भारतको कलकत्तामा उपचाररत एक २८ वर्षीया थाइल्यान्डी महिलाको मृत्यु भएको टाइम्स अफ इन्डियाले जनाएको छ।
सोमबार बेलियाघाटस्थित आइडी अस्पतालमा ती महिला र एक चिनियाँ महिलालाई कोरोनाको संक्रमणपछि उपचारको लागि भर्ना गरिएको थियो।
मंगलबार थाइल्यान्डकी महिलाको मृत्यु भएको जनाइएको छ।
चीनमा गत डिसेम्बरदेखि देखा परेको कोरोना भाइरसलका कारण चीनमा मात्रै १ सय ६ जनाको ज्यान गइसकेको छ भने ४ हजार भन्दा बढी संक्रमित छन् ।
हालसम्म कोरोना भाइरसको संक्रमण चीनसहित १८ देशमा फैलिएको छ।
प्रतिक्रिया