तेलुगु सफल फिल्म ‘अर्जुन रेड्डी’को नेपाली रिमेकलाई विशाल सापकोटाले निर्देशन गर्ने भएका छन् । पहिलो फिल्म रिलिज नहुँदै यी डेब्यु निर्देशकको हातमा दोस्रो फिल्म परेको छ ।

निर्माण टिमले दिएको जानकारी अनुसार फिल्ममा निर्देशन सापकोटाको रहे पनि कलाकार को रहने भन्ने अझै फाइनल भएको छैन । यसअघि शीर्ष भूमिकामा आर्यन सिग्देलले अभिनय गर्ने चर्चा थियो । तर, आर्यनले सामाजिक सञ्जालमार्फत आफू उक्त फिल्ममा नभएको स्पष्ट पारेका थिए ।

यो फिल्मको हिन्दी रिमेक ‘कबीर सि‌ंह’ भारतमा लोकप्रिय भएको थियो । छिटो रिसाउने एक सन्की डाक्टरको कथा समेटिएको यो फिल्मको तेलुगु भर्सनमा विजयले शीर्ष भूमिका निभाएका थिए भने ‘कबिर सिंह’ मा शाहिद कपूर शीर्ष भूमिका निभाएका थिए ।