चितवन– चितवनको लायन्स चोकमा शंकास्पद वस्तु फेला परेको छ । कृषि विकास बैँक अगाडि फुटपाथको चौतारामा बम जस्तो देखिने शंकास्पद वस्तु भेटिएको हो ।

शंकास्पद वस्तु देखेपछि बाटो हिड्ने बटुवा र सर्वसाधारण त्रसित भएका छन् । स्थानीयले चोकमा शंकास्पद देखेपछि प्रहरीले लाई खबर गरेका थिए ।

बम भएको हुन सक्ने आशंकामा नेपाली सेनाको बम डिस्पोजल टोली घटनास्थल पुगेको छ । शंकास्पद वस्तु बम हो कि के हो? यसबाट टुंगो लाग्न नसकेको प्रहरीले जनाएको छ ।

आज विप्लव नेतृत्व नेकपाको नेपाल बन्दका कारण उक्त शंकास्पद वस्तु नेकपाका कार्यकर्ताले राखेको हुनसक्ने आशंका गरिएको छ । बन्दका कारण चितवनमा पनि आशिंक प्रभाव परेको छ भने सुरक्षा व्यवस्था कडा बनाइएको छ ।