काठमाडौं- काग्रेस नेता गम्भीरजंग कार्कीको निधन भएको छ ।
नेपाली कांग्रेसका पाल्पाका पूर्वजिल्ला सभापति कार्कीको ७६ वर्षको उमेरमा निधन भएको हो ।
मिर्गौला रोगबाट पीडित कार्कीको आज (आइतबार) बिहान उपचारका क्रममा काठमाडौँस्थित ग्राण्डी अस्पतालमा मृत्यु भएको हो ।
कार्कीले मिर्गौलाको डायलायसिस गराउँदै आएका थिए। पाल्पाको रम्भा गाउँपालिका–५ ताहूँमा विसं २००० मा जन्मिएका कार्की २०४८ मा क्षेत्र नं २ बाट प्रतिनिधिसभा सदस्यमा निर्वाचित भएका थिए।
कार्कीले वि.सं. २०५१ देखि २०५६ सम्म कांग्रेस पाल्पाको जिल्ला सभापतिको जिम्मेवारी सम्हालेका थिए ।
प्रतिक्रिया