काठमाडौं- मकवानपुरको थाहा नगरपालिकामा एउटा ट्रकमा आगजनी भएको छ । काठमाडौंबाट हेटौडा जाँदै गरेको हेभी इक्वीपमेन्ट बोक्ने ना ५ ख ७४११ नम्बरको ट्रकमा आगजनी भएको हो ।
अज्ञात समूहले पालुङ र दामनको बीचमा रहेको जंगलमा ट्रक रोकेर आगजनी गरेका थिए । उनीहरुले ट्रकका चालकसहित ३ जनालाई ओरालेर आगजनी गरेको प्रहरीले जनाएको छ ।
मास्क लगाएर आएको समूहले पेट्रोल छर्केर आगजनी गरेको प्रहरीले जनाएको छ । आगजनीबाट ट्रकको अगाडिको भागमा क्षति पुगेको छ।
घटनाको कसैले जिम्मेवारी लिएको छैन् । आज नेत्रविक्रम चन्द विप्लव समूहले नेपाल बन्द आह्वान गरेका कारण विप्लवकै कार्यकर्ताले आगजनी गरेको हुनसक्ने प्रहरीको अनुमान छ ।
प्रतिक्रिया