काठमाडौं– स्वास्थ्य तथा जनसंख्या मन्त्रालयले धरानस्थित बीपी कोइराला स्वास्थ्य विज्ञान प्रतिष्ठानको उपकुलपति छनोटका लागि आवेदन माग गरेको छ ।

स्वास्थ्य मन्त्रालयले सार्वजनिक सूचना जारी गर्दै प्रतिष्ठानको उपकुलपितमा सिफारिसको लागि आन्तरिक रोष्टर सूती बनाउने तयारी गरेको हो ।

प्रतिष्ठानको उपकुलपति पदमा आवदेन दिन मान्यता प्राप्त शिक्षण संस्थाबाट चिकित्सा शिक्षामा कम्तीमा स्नातकोत्तर उपाधि प्राप्त गरेको र चिकित्सा शिक्षाको क्षेत्रको अध्ययन, अध्यापन, अनुसन्धान तथा व्यवस्थापनमा कम्तीमा १५ वर्षको अनुभव हुनेपर्ने स्वास्थ्य मन्त्रालयले जनाएको छ ।

स्वास्थ्य मन्त्रालयले ती योग्यता पुगेका व्यक्तिलाई आफ्नो वायोडाटा सहित स्वास्थ्य मन्त्रालयको इमेल ठेगाना वा मन्त्रालयको नीति, योजना तथा अनुगमन महाशाखामा ५ दिन भित्रमा विवरण पठाउनु पर्ने जनाएको छ ।