काठमाडौं – मनाङ मर्स्याङ्दी फुटबल क्लबलाई नेपाल आयल निगमले टाइटल प्रायोजन गरेको छ ।

सोमबार राजधानीमा पत्रकार सम्मेलनको आयोजना गरि मनाङका अध्यक्ष छिमी उर्गेन गुरुङ र निगमका कार्यकारी निर्देशक सुरेन्द्र कुमार पौडेलले सम्झौता पत्रमा हस्ताक्षर गरेका छन् ।

सम्झौता सँगै अब मनाङको नाम नेपाल आयल निगम मनाङ मर्स्याङ्दी क्लब भएको छ ।

नेपालको सबैभन्दा सफल क्लब मनाङसँग सम्झौता गर्न पाउँदा निगम खुसी रहेको निगमका स्वतन्त्र कर्मचारी संघका अध्यक्ष विकास बखातिले बताए ।

निगमले सामाजिक उत्तरदायित्व अन्तरगत रहेर क्लबलाई प्रायोजन जानकारी दिएको छ। आयल निगमले १ बर्षका लागि सम्झौता गरेको छ।
आयल निगमले ३५ लाख क्लबलाई सहयोग गर्नेछ ।

आयल निगमले स्वर्णजयन्तीका अवसरमा मनाङसँग सम्झौता गरेको निगमका प्रमुख कार्यकारी निर्देशक सुरेन्द्र कुमार पौडेलले बताए।

सहिद स्मारक ए डिभिजन लिगको जारि सिजनमा मनाङ ७ खेलबाट १३ अंकसहित तेस्रो स्थानमा रहेको छ। मनाङले अहिलेसम्म ८ पटक ए डिभिजन लिगको उपाधि उचालेको छ।