अमेरिका– इन्जिनमा खराबी देखिएपछि अमेरिकाको लस एन्जलस अन्तर्राष्ट्रिय विमानस्थलमा डेल्टा एयरलायन्सको विमानलाई आकस्मिक रुपमा अवतरण गरिएको छ ।
मंगलबार लस एन्जलसबाट चीनको सांघाईका लागि उडान भर्नेबित्तिकै विमानको इन्जिनमा प्राविधिक गडबडी देखिएपछि इन्धन खाली गरी आकस्मिक अवतरण गराइएको थियो ।
विमानबाट इन्धन फ्याँक्ने बेलामा पार्क एभिन्यू प्राथमिक विद्यालयका १७ विद्यार्थीसहित २६ जना घाइते भएका छन् । घाइतेमध्ये ९ जनालाई अस्पताल लगिएको छ भने १७ जना सामान्य घाइते भएको रोयटर्सको समाचारमा उल्लेख गरिएको छ ।
अमेरिकी अधिकारीहरुका अनुसार विमानबाट खाली गराइएको हवाई इन्धन विद्यालयको खेलमैदानमा खसेको थियो ।
‘फ्लाइट ८९ले लस एन्जलसबाट सांघाईका लागि उडान भर्नेबित्तिकै इन्जिनमा प्राविधिक समस्या देखियो ।
इन्धन खाली गरेपछि एयरलाइन्स सुरक्षित रुपमा अवतरण भयो । यस्तो अवस्थामा इन्धन खाली गरिनु सुरक्षित अवतरणका लागि सामान्य प्रक्रिया हो,’ एयरलाइन्सले विज्ञप्तिमार्फत भनेको छ ।
अमेरिकाको नागरिक उड्डयन प्रशासनले भने घटनाको अनुसन्धान गरिरहेको बताएको छ । इन्धन खाली गर्ने क्रममा डेल्टा एयरलाइन्सले नियम पालन नगरेको प्रारम्भिक निष्कर्ष छ । सामान्यतया यस्तो अवस्थामा मानव बस्ती नभएको ठाउँमा इन्धन खाली गरिन्छ ।
This is a Delta flight appearing to dump fuel over a primary school before landing in LA this morning.
70 firefighters and paramedics are on the scene assessing those affected. @9NewsAUS
— Charles Croucher (@ccroucher9) January 14, 2020
प्रतिक्रिया