काठमाडौं – शहिद स्मारक ए डिभिजन लिगमा न्युरोड टिम एनआरटीले विभागीय टोली नेपाल पुलिस क्लबलाई पराजित गरेको छ । सोमबार भएको खेलमा एनआरटीले पुलिस क्लबलाई १–० गोल अन्तरले पराजित गरेको हो ।

त्रिपुरेश्वरस्थित दशरथ रंगशालामा भएको खेलमा एनआरटीलाई जित दिलाउन दर्शन गुरुङले उत्कृष्ट गोल गरे । पहिलो हाफमा गोलरहित बराबरी भएको खेलमा दर्शनले खेलको ७६ औं मिनेटमा गोल गर्दै पुलिसविरुद्ध अग्रता दिलाएका थिए । पुलिस क्लबविरुद्ध जीत हात पारेको एनआरटीका मिडफिल्डर एरीक बिष्ट म्यान अफ दि म्याच घोषीत भएका छन् ।

लिगको शीर्ष स्थानमा १३ अंकसहित नेतृत्व गरिरहेको छ । पुलिसमाथि जीत हात पारेको एनआरटी ६ खेलबाट ८ अंकसहित लिगको छैठौं स्थानमा उक्लिएको छ । ३ खेलमा जीत १ खेलमा बराबरी २ खेलमा हार व्येहोरेको एनआरटी अघिल्लो संस्करणमा लिगको पुछारमा रहेकाले २ अंक ऋण तिरेको छ । हात पारेपनि पराजित पुलिस क्लबले ६ खेलमा ८ अंकसहित सातौं स्थानमा रहेको छ ।