काठमाडौं- काठमाडौं जिल्ला अदालतले बलात्कार प्रयासको अभियोग लागेका पूर्वसभामुख कृष्णबहादुर महराको मुद्दामा विशेषज्ञ बुझ्न आदेश दिएको छ ।

आतइबारबाट अन्तिम सुनुवाइ शुरु गरेको जिल्ला अदालत काठमाडौंले विशेषज्ञ बुझ्न आदेश दिएसँगै महराकाे मुद्दामा पीडित महिलाको स्वास्थ्य परीक्षण प्रतिवेदन तयार पार्ने चिकित्सक, घटनास्थलको प्रमाण संकलन गर्ने र परीक्षण गर्ने प्रहरी र अन्य साक्षीहरूले समेत फेरि बकपत्र दिनुपर्ने भएको छ ।

काठमाडौं जिल्ला अदालतका न्यायाधीश अम्बरराज पौडेलको इजलासले कृष्णबहादुर महराको मुद्दामा विशेषज्ञ बुझ्न आदेश दिएको हो ।

असोजमा १२ गते संसद् सचिवालयकी महिला कर्मचारी रोशनी शाहीमाथि बलात्कारको अभियोग लागेपछि महरा जिल्ला अदालत काठमाडौंको आदेशले हाल डिल्लीबजार कारागार चलान भएका छन् । महरा १९ असोजमा पक्राउ परेका थिए ।