जनकपुर– जनकपुर उपमहानगरपालिकाका कर्मचारीले आन्दोलनका कार्यक्रम घोषणा गर्दै शुक्रबार ‘पेन डाउन’ गर्ने घोषणा गरेका छन् ।

गत मंगलबार पत्रकार र नगरप्रमुख लालकिशोर साहबीच भएको कुटपिटको विषयलाई लिएर कर्मचारी आन्दोलित बनेका हुन् । आन्दोलनका कार्यक्रम अन्तर्गत उनीहरुले शुक्रबार हातमा कालोपट्टि बाँधी ‘पेन डाउन’ गर्ने घोषणा गरेको हुन् ।

उपमहानगरपालिकाका कर्मचारी इकाई एसोसिएसन समितिले प्रेस विज्ञप्ति जारी गर्दै शुक्रबार बिहान १० बजेदेखि दिउँसो १ बजेसम्म कालोपट्टि बाँधेर पेन डाउनको घोषणा गरेको हो ।

त्यस्तै, बुधबार नेपाल पत्रकार महासंघ धनुषाले भने नगरप्रमुख लालकिशोर साहकै निर्देशनमा सञ्चारकर्मीहरूमाथि कुटपिट भएको भन्दै दोषीमाथि कारबाही गर्न माग गर्दै जिल्ला प्रशासन कार्यालयमा ज्ञापनपत्र बुझाएको थियो।