दिल्लीको जवाहरलाल युनिभर्सिटीमा भएको हिंसापछि बलिउड सेलिब्रेटीले निन्दा गरेका छन् । सेलिब्रेटीले भारतीयलाई सडकमा उत्रेर आन्दोलन गर्न अनुरोध समेत गरेका छन् ।
यसैबीच नायिका दीपिका पादुकोण घाइते विद्यार्थीलाई भेट्न जेएनयु पुगेकी छिन् । उनी जेएनयु पुगेपछि कतिपय दर्शकले उनको फिल्म रिजेक्ट गर्ने बताएका छन् ।
दर्शकले ‘छपाक’ लाई बाइकट गर्न भन्दै ट्वीटरमा ट्रेन्डिङ चलाएका छन् ।
भारतीय मिडियाका अनुसार दीपिका मंगलवार साँझ जेएनयु पुगेकी थिइन् । उनी त्यहाँ १० मिनेट जति बसिन् । यही विषयलाई लिएर दीपिकाको विरोध गरिएको छ ।
दर्शकले काटिसकेको टिकट पनि फिर्ता गरेको प्रतिक्रिया दिएका छन् ।
दीपिकाले विद्यार्थी युनियनकी अध्यक्ष आइशी घोषसँग पनि भेट गरेकी थिइन् । साथै दीपिकाले घाइते विद्यार्थीको समर्थन पनि जनाएकी थिइन् । यही विषयलाई लिएर फ्यान भड्किएका हुन् ।
आरोप लगाउनेहरुले एउटा ग्याङको समर्थन गरेको भन्दै दीपिकाको फिल्म नहेर्न अनुरोध गरेका हुन् ।
केही दिनअघि भारतको जेएनयु कलेजमा केही नकाबधारीहरुले शिक्षक र विद्यार्थीमाथि आक्रमण गरेका थिए । त्यसपछि यसको विरोधमा भारतमा आन्दोलन भएको थियो ।
RT if you will Boycott Movies of @deepikapadukone for her Support to #TukdeTukdeGang and Afzal Gang pic.twitter.com/LN5rpwjDmT
— Tajinder Pal Singh Bagga (@TajinderBagga) January 7, 2020
प्रतिक्रिया