काठमाडौं–महानगरले किनेका ५ ब्रुमर वीरगन्ज भन्सार आइपुगेका छन् । इटालीबाट झिकाइएका ब्रुमर गत साता नै आएपनि काठमाडौं ल्याउन सकिएको छैन् । १३ करोडको लागतमा ल्याइएका ब्रुमरको भन्सार छुटका लागि महानगरले ताकेता गरेपनि अर्थमन्त्रालयले छुट नदिने परिपत्र गरेपछि ब्रुमर ल्याउने प्रक्रिया लम्बिएको कान्तिपुर दैनिकमा खबर छ ।

त्यस्तै प्रदेश लोकसभा विधेयकमा जुनसुकै प्रदेशमा जागिर खान पाइने व्यवस्था भएको छ । प्रदेश सरकारको मातहत सरकारी सेवामा जुनसुकै प्रदेशका नागरिकले प्रतिस्पर्धा गर्न पाउनेछन् ।

खस भाषालाई पुनर्जीवन शीर्षकको समाचारमा खस भाषा जोगाउन लेखन निर्देशिका बनेको, शब्दकोश तयार भएको र २५ विद्यालयमा पाठ्यक्रममै राखिएको उल्लेख छ ।

त्यस्तै विनाप्रतिस्पर्धा आयोजना दिने व्यवस्था हटाइएको, लगानी बोर्डको अधिकार घटाउन संशोधन गरिएको, एयरबसको इन्जिन ठेक्का रोकिएको लगायतका खबर प्राथमिकताका साथ छापिएका छन् ।