काठमाडौं– ज्येष्ठ नागरिकलाई प्रदान गरिने बृद्धभत्ता सहित सामाजिक सुरक्षा भत्ता वितरणमा अनियमितता गरेको आरोपमा तत्कालीन गाविस सचिवविरुद्ध भ्रष्टाचार मुद्दा दर्ता भएको छ ।
अख्तियार दुरुपयोग अनुसन्धान आयोगले पर्साको साविक जयमंगलापुर गाविसका सचिव राजेन्द्र महतो नुनियारविरुद्ध भ्रष्टाचार मुद्दा दायर गरेको हो ।
तत्कालीन गाविस सचिव नुनियारले मृत्यु भइसकेका ज्येष्ठ नागरिक, अपाङ्ग, असहाय तथा एकल महिलाको नाममा आएको भत्ता वितरण गरेको देखाएर अपचलन गरेको अख्तियारले जनाएको छ ।
अख्तियारले नुनियारविरुद्ध ५५ हजार ९ सय रुपैयाँ बिगो दाबी गर्दै बिगोअनुसार जरिवाना र १ वर्ष कैद जसाय मागदाबी गरेको छ ।
प्रतिक्रिया