काठमाडौं– आइतवार(आज) सुनको मूल्य प्रतितोला १ हजार रुपैयाँ बढेको छ । बढेको मूल्यसँगै प्रतितोला ७५ हजार ५ सय रुपैयाँमा सुनको कारोबार भइरहेको छ ।

बुधबार र बिहीबारस्थिर रहेको सुनको मूल्य शुक्रबार एकै दिन तोलामा १ हजार बढेर प्रति तोला ७४ हजार ५ सय रुपैयाँ पुगेको थियो । आइतबार फेरि एकै दिन तोला १ हजार बढेर प्रतितोला ७५ हजार ५ सय पुगेको छ ।

नेपाल सुनचाँदी व्यवसायी महासंघका अनुसार आइतबार तोलामा १ हजार रुपैयाँ बढेर नेपालको इतिहासमा सबैभन्दा महँगो अर्थात रेकर्ड ब्रेक गरेको छ ।

त्यस्तै, तेजावी सुनको मुल्य ७५ हजार २ सय कायम भएको छ । यस भन्दा अगाडि गत भदौ ९ गते सुनको मूल्य तोलाको ७३ हजार ५ सय रुपैयाँ पुगेको थियो । त्यसपछि बजारमा घटेर ७० हजार रुपैयाँसम्म पुगेको थियो ।

चाँदीको मूल्य भने स्थिर छ । नेपाली बजारमा चाँदी प्रतितोला ९ सय रुपैयाँमा कारोवार भइरहेको महासंघले जनाएको छ ।