काठमाडौं– उच्च पदस्थ अधिकारीहरु सुविधाभोगी बन्दै गएको आरोप लागिरहेका बेला त्यसलाई बल पुग्नेगरी सरकारले भिभिआइपीका लागि १३ करोड ९७ लाख रुपैयाँका मोटरसाइकल खरिद गर्न लागेको समाचार आजको नागरिक दैनिकले छापेको छ ।

नागरिकले लेखेको समाचारमा उल्लेख गरिएअनुसार सरकारले भिभिआइपीको स्कर्टिङ (कारगेट)का लागि ६ सय ५० सीसी क्षमताका मोटरसाइकल किन्न लागेको हो । खरिद क्रममा रहेका ती मोटरसाइकलको प्रतिएकको मूल्य ४६ लाख ६० हजार रुपैयाँभन्दा बढी पर्छ ।

सरकारले राष्ट्रपतिको सवारीमा १३ वटा कार्गेट मोटरसाइकल उपलब्ध गराएको छ । यस्तै उपराष्ट्रपतिका लागि ३ र प्रधानमन्त्रीको सवारीका लागि ७ वटा मोटराइकल प्रयोग भइरहेको नागरिकको समाचारमा उल्लेख छ ।