बिग बास लिग (बीबीएल) अन्तर्गत मेलबर्न स्टार्समा आवद्ध नेपाली लेग स्पिनर सन्दीप लामिछाने ब्रिस्बाने हिटविरुद्धको पहिलो खेलमा ‘प्लेइङ ११’ मा अटाएका छन् ।

बीबीएलको नयाँ सिजनमा मेलबर्नले हिटविरुद्ध पहिलो खेल खेल्दै छ । मेलबर्नले आफ्नो पहिलो खेलमै सन्दीपलाई ‘प्लेइङ ११’को रुपमा मैदानमा उतारेको छ ।

सन्दीपले यसअघिको संस्करणमा पनि मेलबर्न स्टार्सबाटै खेलेका थिए । अघिल्लो सिजनमा खेलका ७ खेलमा सन्दीपले कूल ११ विकेट लिएका थिए ।

अस्ट्रेलियामा राम्रो प्रभाव छाड्न सफल भएका सन्दीपले यो सिजनमा कस्तो प्रदर्शन गर्ने छन् भन्ने बारे भने हेर्न बाँकी नैछ । मेलबर्नले सन्दीपलाई अस्ट्रेलियाको पीचमा विकेट लिन सहज हुने अनुमान सहित टिममा राखेको छ । सन्दीपले खेलेका सबै जसो प्रतियोगितामा विकेट लिन सफल भएका छन् ।