काठमाडौं– पूर्व राजा ज्ञानेन्द्र शाह एक महिना बसाइका लागि झापा पुगेका छन् । पूर्व राजा ज्ञानेन्द्र हिजो (बुधबार) झापा पुगेका हुन् ।

पूर्व राजा शाह प्रधानमन्त्री केपी शर्मा ओलीको गृहनगर दमक नगरपालिकामा बस्नेछन् ।

दमक नगरपालिकामा आफ्नो स्वामित्वमा रहेको चिया बगानमा पूर्व राजा ज्ञानेन्द्र शाह पत्नी कोमलसहित बस्नेछन् ।

पूर्व राजाहरुले जाडो मौसम शुरु भएसँगै हरेक वर्षजसो पूर्वी पहाडी जिल्लाहरुको भ्रमण गर्ने गरेका र त्यसकै निरन्तरताको रुपमा पूर्व राजा शाहको झापा भ्रमण रहेको बताइएको छ ।

दमकमा रहेको चिया बगामा पुगेर महिना दिन विताउने शाह वंशीय राजाहरुको परम्परा नै रहेको बताइन्छ ।

पूर्व राजा ज्ञानेन्द्र शाहले झापामा रहेको बेला इलाम, पाँचथर र झापाका विभिन्न धार्मिक स्थलहरुको भ्रमण र पूजा अर्चना गर्ने गरेका छन् ।

धार्मिक स्थलहरुको भ्रमण भनिएपनि मुलत उनले त्यहाँ समर्थको शुभेच्छा प्राप्त गर्ने र सर्वसाधारणसँगको भलाकुसारीमा समय व्यतित गर्न पाउने भएका कारण पनि त्यसतर्फ जाने गरेको कतिपयको भनाइ छ ।