काठमाडौं–सरकारले कर्मचारी समायोजनको काम सकिनै लागेको दावी गरेको छ । सरकारी तथ्यांकलाई नै आधार मान्ने हो भनेपनि ५३ हजार ६ सय १२ कर्मचारीको समायोजन भइसकेको छ । तर, ३४ हजार ७ सय ६३ कर्मचारी सघंमै रहेको कान्तिपुर दैनिकमा खबरछ ।

कर्मचारी समायोजनमा खटिएका संघीय मामिला तथा सामान्य प्रशासन मन्त्रालयका सहसचिव केदार पनेरु कर्मचारी समायोजनको काम सक्न लाग्यौ भन्दै उत्साह प्रकट गर्दा कर्मचारीले प्रदेश रोज्ने क्रम भने कम हुँदै गएको छ ।

मन्त्रालयका सचिव दिनेशकुमार थपलियाले पनि कर्मचारीले संघ छोड्न नमानेको बताएका छन् । उनले विभिन्न समूहका कर्मचारीले संघमा दरबन्दी कायम राख्न दबाब दिन नछाडेको बताए । जसरी भएपनि संघमै रहने दौडधुपमा कर्मचारी रहेको पनि थपलियाले बताए ।

त्यस्तै विखण्डनको मुद्दा लिएर आन्दोलनमा रहेको सीके राउत समूहले सरकारसँग ११ बुँदे सहमति गरेको छ । प्रधानमन्त्री कै निगरानीमा वार्ता भएको, सरकारले गरेको सहमतिको भाषामा सत्तारुढ दल नेपाल कम्युनिस्ट पार्टी नेकपाका नेता भने असन्तुष्ट रहेको, सीके राउतसँगको सहमतिपछि अब मधेशमा तेस्रो धार बन्न सक्ने देखिएको खबर छ ।