काठमाडौं–सिन्धुपाल्चोकमा यात्रुबहाक बस दुर्घटना भएको छ ।

दोलखाको कालिन्चोकबाट भक्तपुर आउँदै गरेको बस सिन्धुपाल्चोकमा दुर्घटना हुँदा ४ जनाको मृत्यु भएको हो ।

सिन्धुपाल्चोकको सुनकोसी गाउँपालिका–७ , स्थित ६ किलोमा भन्ने स्थानमा बा ४ ख ४४६८ नम्बरको बस दुर्घटना भएको हो ।

खाडी चौरबाट पाँच किलोमिटरमाथि घुम्तीबाट बस तल खसेको सूचना आएको जिल्ला प्रशासन कार्यालय सिन्धुपाल्चोकले जनाएको छ ।

सिन्धुपाल्चोकका सहायक प्रमुख जिल्ला अधिकारी भीमकान्त शर्माका अनुसार दुर्घटनाको सूचना आएको भएपनि पूर्ण विवरण आएको छैन ।

उनले भने, ‘म अहिले घटनास्थलतर्फ जाँदै छु । दुर्घटना भएको हो भन्ने छ । धेरै क्षति भयो भन्ने पनि सुनिएको छ। अवस्था कस्तो छ घटनास्थल पुगेपछि मात्र थाहा हुन्छ ।’

कालिञ्चोकबाट फर्किएको बस सुनकोशी गाउँपालिका ७ स्वारामा दुर्घटना भएको हो । यो स्थान खाडी चौरबाट पाँच किलोमिटरको दूरीमा छ ।