काठमाडौं— गृहमन्त्री रामबहादुर थापाले भारतले ३ सय ७२ किलोमिटर सीमा मिचेको बताएका छन् ।

भातरले हालै जारी गरेको नक्सामा नेपालको कालापानी, लिम्पियाधुरा र लिपुलेक समेटिएको विषयमा छलफल गर्न शुक्रवार संसद्को‌ अन्तर्राष्ट्रिय सम्बन्ध समितिले गृहमन्त्री थापालाई बोलाएको थियो।

बैठकमा बोल्दै गृहमन्त्री थापाले भारतीय पक्षबाट नेपालको ३ सय ७२ किलोमिटर सीमा मिचिएको बताएका हुन् ।

भारतसँगको खुला सीमा सुरक्षाका लागि सुरक्षाकर्मी खटाएपनि त्यो पर्याप्त नभएको उनको भनाइ थियो । सीमा सुरक्षाका लागि ३७ हजार सशस्त्र प्रहरी खटिए पनि यो पर्याप्त नभएको थापाले बताए ।

उनले नेपालले सीमा सुरक्षाका लागि सुरक्षा बलको विस्तार गर्ने योजना बनाइरहेको र ७० वटा नयाँ पोस्ट राख्न लागेको जानकारी दिए ।