लन्डन– बेलायतको आम निर्वाचनमा कन्जर्भेटिभ पार्टीले स्पष्ट बहुमत हासिल गरेको छ ।

६५० सीट रहेको संसदमा पार्टीलाई बहुमतका लागि ३२६ सीटको आवश्यकता पर्छ । उसको खतामा ३६४ सीट आएको छ । गत वर्षको भन्दा उसलाई ४७ सीट फाइदा भएको छ ।

प्रतिपक्षी दल लेबर पार्टीले भने २ सय ३ सिटमा जीत हासिल गरेको छ ।

कन्जर्भेटिभ पार्टीले पछिल्लो ३२ वर्ष यताकै सबैभन्दा धेरै सिट हासिल गरेको अन्तर्राष्ट्रिय सञ्चारमाध्यमले उल्लेख गरेका छन् ।

आम निर्वाचनको परिणामअनुसार प्रधानमन्त्री बोरिस जोन्सनले बेलायतलाई युरोपियन युनियन (ईयू)बाट अलग पार्न जनताको स्पष्ट अनुमति पाएका विश्लेषण गर्न थालिएको छ ।

प्रधानमन्त्री जोन्सनले अक्टोबर ३१ सम्म बेलायतलाई ईयूबाट पार्ने बाचा गरेका थिए । तर, उनको प्रस्ताव संसदबाट अस्वीकृत भएपछि आम निर्वाचनको घोषणा भएको थियो ।