मुम्बई – इन्डियन आइडल सिजन ११ शुरु भएदेखि नै विवादमा आइरहेको छ । विवादकै कारण यो शोको चर्चा पनि छ ।

हालै यो शो मा निर्णायकमध्येका एक रहेका अनु मलिक बाहिरिएपछि हिमेशको इन्ट्री भएको थियो । अब फेरि होस्ट आदित्य नारायण पनि यो शोबाट बाहिरिने खबर आएको छ ।

भारतीय मिडियाका अनुसार आदित्य नारायणले यो शो छाड्न लागेका छन् । यद्यपि केही मिडियाले यो समाचार गलत भएको बताएका छन् ।

आदित्यनारायणले भने, ‘मलाई यस्तो कुराहरु कहाँबाट फैलिएको छ भन्ने थाहा नै छैन, मैले केही लाइभ कन्सर्ट पनि गर्नुपर्ने छ, जुन मैले च्यानललाई बताइसकेको छु, मैले एक दिन शूट गर्न भ्याउँदिन, यति ठूलो शो म किन छोडुँ?

मिडियामा भने अनु मलिकपछि अब आदित्यले पनि यो शो छोड्न लागेको खबर छापिएको छ ।